Toshkentda Les Ailes fast-fud restorani filiali yonib ketdi (foto va video)

26-mart kuni 2:00 atrofida Mirzo Ulug‘bek tumanida joylashgan Les Ailes fast-fud restoranida yong‘in yuz berdi, deb yozadi UzNews Toshkent shahar Yong‘in xavfsizligi boshqarmasi Matbuot xizmatiga tayanib.

Yong‘in haqida ma’lumot soat 2:09 da berilgan va tezkor guruh voqea joyiga soat 02:19 da yetib borgan. 12 daqiqa ichida esa yong‘in to‘liq bartaraf etilgan.

Yong‘in natijasida ushbu joyda 80 kv.m maydon yonib ketgani va yong‘in ushbu restoranga qo‘shni bo‘lgan “Chopar” pitsseriyasi hududiga o‘tgani ham qayd etilgan.

Hozirda yong‘in sabablari o‘rganilmoqda, ma’lumotlarga ko‘ra, ushbu yong‘in natijasida hech kim jarohat olmagan.