Rossiyada 28-mart Kemerovodagi yong‘in qurbonlari xotirasiga motam kuni deb e’lon qilindi

Rossiya prezidenti Vladimir Putin 28-mart, chorshanbani Kemerovodagi savdo markazida ro‘y bergan yong‘in qurbonlari xotirasiga umummilliy motam kuni deb e’lon qildi. Bu haqda “Interfaks” xabar bermoqda.

Shahardagi “Zimnyaya vishnya” savdo markazida sodir bo‘lgan yong‘in oqibatida 64 kishi halok bo‘ldi. Ulardan 41 nafari bolalar ekanligi aytilmoqda.

Putin 27-mart kuni tongda Kemerovoga yetib keldi. Aeroportdan to‘g‘ri savdo markaziga yo‘l oldi va kemerovoliklar bino oldida tashkillagan memorialga gul qo‘ydi. Yong‘in ro‘y bergan bino fasadini ko‘zdan kechirdi va mutasaddilar ishtirokida yig‘ilish o‘tkazdi.