Namibiya prezidenti “UAZ Patriot” kabrioletini namoyish etdi

Namibiya prezidenti Xage Gottfrid Geyngob mamlakat Mustaqillik kuni sharafiga o‘tkazilgan parad qatnashchilariga “UAZ Patriot” kabrioleti kuzovidan salom yo‘lladi, deb yozadi “Motor”.

Afrika davlati mudofaa vazirligi tantanali chiqishlarda qatnashish uchun mo‘ljallangan mashinaning birinchi xaridori bo‘ldi.

Odatdagi “Patriot”dan kabriolet orqa tomondagi tutqichli zinasi, salonning bezatilishi, orqa eshiklarning yo‘qligi va kuzovining o‘ziga xos rangi bilan farqlanadi.

“UAZ” yiliga bir necha o‘nta shunday yo‘ltanlamasni chiqarishi mumkin.

Bunday yo‘ltanlamaslar paradlardan tashqari ko‘ngilochar bog‘lar yoki tabiat qo‘riqxonalari, shuningdek, issiq iqlimli mamlakatlarda safari uchun qo‘llanilishi mumkin.