Belarus va O‘zbekiston o‘rtasida harbiy hamkorlik to‘g‘risida bitim imzolanadi

27-mart, seshanba kuni Belarus mudofaa vaziri Andrey Ravkovning O‘zbekistonga rasmiy tashrifi boshlandi, deb yozadi Sputnik.

Belarus mudofaa vazirligi matbuot xizmati ma’lumotlariga ko‘ra, tashrif chog‘ida ikki tomonlama harbiy hamkorlik bo‘yicha bitim imzolanishi rejalashtirilmoqda.

Xabarda aytilishicha, Belarus mudofaa vaziri O‘zbekiston prezidenti huzuridagi Xavfsizlik Kengashi kotibi va O‘zbekiston mudofaa vaziri bilan uchrashadi.