Toshkent viloyatida tungi vaqtda avtomobilni mast holda boshqargan 89 haydovchiga chora ko‘rildi

Toshkent viloyati IIB Yo‘l harakati xavfsizligi boshqarmasi xodimlari tomonidan hududda harakat xavfsizligini ta’minlash, yo‘l-transport hodisalarining oldini olish yuzasidan doimiy ravishda tizimli ishlar olib borilmoqda, deb yozadi O‘zA.

Joriy yilning 24-mart kuni o‘tkazilgan “Avtopatrul tun” profilaktik tadbirida YPX inspektorlari tungi vaqtda 89 ta mast holda, 70 dan ortiq holatda tegishli hujjatlarsiz transport vositasi boshqargan qoidabuzar haydovchilarni aniqladi.

Ushbu holatlar bo‘yicha 150 dan ortiq avtomashina vaqtinchalik jarima maydonlariga qo‘yildi. Aybdorlar qonunda belgilangan tartibda jarimaga tortildi.