Qashqadaryoda niqobli bosqinchilar qo‘lga olindi

Qashqadaryo viloyatining Qarshi tumanida 20-mart kuni ikki nafar noma’lum shaxs yuziga niqob kiygan holda pichoq bilan qurollanib, E’zoz ko‘chasida yashovchi E.Mavlonovning uyiga bostirib kirdi. Bu haqda IIV jamoatchilik va OAV bilan aloqalar boshqarmasi xabar bermoqda.

Bosqinchilar uy egasining o‘g‘li va jiyanini qo‘l-oyog‘ini arqon bilan bog‘lab, urib, jarohat yetkazib, uydan pul, zargarlik va boshqa buyumlarini olib, voqea joyidan yashiringan.

Ko‘rilgan choralar natijasida ushbu jinoyatni Qarshi shahar “Neftchi” mahallasida yashovchi, 1981-yilda tug‘ilgan Sh.Xushvaqtov va “Qavali” mahallasida yashovchi, muqaddam sudlangan, 1995-yilda tug‘ilgan L.G‘aniyev sodir etgani aniqlanib qo‘lga olinlb.