Qashqadaryoda maktab o‘quvchisi xonadondagi seyfdan pul va tilla buyumlarni o‘g‘irladi

Samarqand viloyatining Jomboy tumanida 5-mart kuni (soati aniq emas) noma’lum shaxslar Muqimiy ko‘chasida yashovchi ayolning uyiga kirib, xonasidan pullarini o‘g‘irlab ketdi. Bu haqda IIV jamoatchilik va OAV bilan aloqalar boshqarmasiga ma’lum qildi

Ko‘rilgan choralar natijasida ushbu jinoyatni Jomboy tumanida yashovchi ikki nafar kollej o‘quvchisi sodir etgani aniqlanib, qo‘lga olindi.

Shuningdek, Qashqadaryo viloyatining Yakkabog‘ tumanida noma’lum shaxs Tinchlik ko‘chasida yashovchi R.D.ning uyiga kalit tanlash yo‘li bilan kirib, xonasidagi seyfdan pullari va zargarlik buyumlarini o‘g‘irlab ketdi.

Ko‘rilgan choralar natijasida ushbu jinoyatni mazkur tumanda yashovchi maktab o‘quvchisi sodir etganligi aniqlanib, ushlandi.

Mazkur holatlar yuzasidan surishtiruv ishlari olib borilmoqda.