Zangiotada 5 million so‘mlik anjomlar va tilla taqinchoqlarni o‘g‘irlagan 10 yoshli bola ushlandi

Zangiota tumanida yashovchi uy bekasi, 1969-yilda tug‘ilgan Nargiza Baxtiyorovaning uyiga noma’lum shaxs devordan oshib tushish yo‘li bilan kirib, uyidan umumiy narxi taxminan besh million so‘m bo‘lgan uyali telefon apparati, fotoapparati va tilla taqinchoqlarini o‘g‘irlab ketgan. Bu haqda Toshkent viloyati IIB xabar berdi.

Olib borilgan tezkor chora-tadbirlar natijasida ushbu jinoyatni voyaga yetmagan, 2007-yilda tug‘ilgan Shahzod Nurillayev sodir etganligi aniqlanib, qo‘lga olindi. Ushbu holat yuzasidan unga nisbatan O‘zbekiston Respublikasi Jinoyat Kodeksining 169-moddasi bilan jinoyat ishi qo‘zg‘atildi. Hozirgi vaqtda tergov harakatlari olib borilmoqda.

Keltirilgan ism va familiyalar o‘zgartirilgan.