“Bunyodkor” — “Buxoro” bahsi oldidan va tanaffus vaqtida estrada xonandalari stadionda konsert qo‘yadi

Xabar berilganidek, Superliga 4-turi doirasidagi “Bunyodkor” — “Buxoro” uchrashuvi oldidan va tanaffus paytida konsert dasturi bo‘lib o‘tadi. Bu haqda klub matbuot xizmati xabar berdi.

Unda o‘zbek shou-biznesi estradasi vakillari Muzaffar Abduazimov va Umar Shamsiyev ishtirok etadi. Konsert dasturi uchrashuv oldidan va tanaffus paytida uyushtiriladi.

“Bunyodkor” ma’muriyati mazkur uchrashuvga muxlislarni chorlab, ularni shiddatli futbol bilan birgalikda ajoyib konsert dasturidan bahramand bo‘lishga chaqirdi.

Ma’lumot uchun Superliga 4-turi doirasidagi “Bunyodkor” – “Buxoro” uchrashuvi bugun “Bunyodkor” stadionida soat 18:00 da boshlanadi.

Uchrashuv Sport-TV telekanali tomonidan jonli translyatsiya qilinadi.