Bo‘stonliqda mast erkak o‘ziga benzin quyib, o‘t qo’yib yubordi

Toshkent viloyatining Bo‘stonliq tumanida 28-mart kuni o‘z joniga qasd holati qayd etildi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni soat 16:10 atrofida G‘azalkent shahrida yashovchi, 1987-yilda tug‘ilgan J.Komilov mast holda tanishi Sh.Husanovga tegishli “VAZ-2101” mashinasi salonida ustiga benzin quyib, o‘ziga o‘t qo’yib yubordi.

Ko‘rilgan choralar natijasida yong‘in o‘chirildi. Yong‘in oqibatida avtomashina saloni qisman yonib, zarar ko‘rdi.

J.Komilov va Sh.Husanov kuyish jarohatlari bilan kasalxonaga yotqizildi.