Namangandagi propan gaz quyish shoxobchasida yong‘in sodir bo‘ldi

Namangan viloyatining Chortoq tumanida 13-mart kuni soat 23:35 atrofida “Bek” MChJga qarashli Arbag‘ish mahallasida joylashgan avtomashinalarga propan gaz quyish shoxobchasida yong‘in sodir bo‘ldi. Bu haqda IIV jamoatchilik va OAV bilan aloqalar boshqarmasi xabar bermoqda.

Elektr dvigateli ishlashi natijasida kompressorda sodir bo‘lgan qisqa tutashuv yong‘inga olib kelgani bildirilmoqda.

Ko‘rilgan choralar natijasida yong‘in o‘chirildi. Mazkur shoxobcha operatori D.Boydedayev kuyish jarohatlari bilan kasalxonaga yotqizildi.