Tramp Putinga qurollanishning yangi poygasida AQSh g‘alaba qozonishini ma’lum qildi

AQSh prezidenti Donald Tramp Rossiya yetakchisi Vladimir Putin bilan telefon orqali suhbatda Rossiya qurollanish bo‘yicha yangi poygani istasa buni uyushtirish mumkinligini ma’lum qildi. Bu haqda NBC News xabar bermoqda, deb yozadi KNews.

“Qurollanish poygasini yana boshlamoqchi bo‘lsangiz, buni uyushtirishimiz mumkin, biroq unda men g‘olib bo‘laman”, — deya Trampning so‘zlarini keltiradi telekanal.

Biroq, Tramp shundan so‘ng Rossiya bilan aloqalardagi keskinlikka ortiq ishora qilmaganligi ta’kidlanadi. Manbalarga ko‘ra, u ikki mamlakat o‘rtasidagi qurollanish poygasini qisqartirish masalasini muhokama qilish uchun Putin bilan uchrashishni rejalashtirmoqda.