Jizzaxning Manasidagi 40 yillik bog‘cha Janubiy Koreya standarti asosida qayta qurildi (video)

Jizzax viloyati Do‘stlik tumani Manas qishlog‘idagi 17-sonli “Aychurek” nomli 1978-yilda qurilgan bog‘cha Janubiy Koreya standarti asosida qayta tashkil etildi va jihozlandi. Jizzax viloyatiga tashrifi davomida O‘zbekiston Prezidenti Shavkat Mirziyoyev ushbu maktabgacha ta’lim muassasida ham bo‘ldi.

O‘zbekiston Maktabgacha ta’lim vazirligidan “Daryo”ga ma’lum qilishlaricha, ushbu bog‘cha 125 bolaga mo‘ljallangan bo‘lib, unda 10 nafar pedagog faoliyat olib boradi. “Eng muhimi, mazkur bog‘cha hududdagi 3 yoshdan 7 yoshgacha bo‘lgan barcha bolalarni qamrab olgan”, — deyiladi vazirlik axborotida.