Shavkat Mirziyoyev: Uylarning tomlariga quyosh panellarini o‘rnatish kerak (video)

O‘zbekiston Prezidenti Shavkat Mirziyoyev 30—31-mart kunlari Jizzax viloyatida tashrif bilan bo‘ldi. Tashrif davomida Davlat rahbari viloyat hududida quriladigan turar joy binolari, yangi massivlar loyihalari bilan tanishdi.

Prezident matbuot xizmati 31-mart kuni Jizzax viloyatiga tashrifning birinchi kuniga bag‘ishlangan videolavha e’lon qildi. Unda, uy-joy qurilishi loyihalari bilan tanishgan Shavkat Mirziyoyev, har bir uyning tomiga energiyatejamkor quyosh panellarini o‘rnatish haqida ko‘rsatma berayotganiga guvoh bo‘lish mumkin.