Kuvaytda ikki avtobus to‘qnashdi. 15 kishi halok bo‘ldi, 4 kishi yaralandi

Kuvaytda ikki avtobusning to‘qnashishi oqibatida 15 kishi halok bo‘ldi, 4 kishi yaralandi. Bu haqda “RIA Novosti” xabar bermoqda.

Hodisa poytaxt Al-Kuvayt shimolidagi Artel Highway shossesida ro‘y berdi. Avtobuslar ishchilarni tashiyotgandi.

Fuqaro mudofaasi xizmati voqea joyiga kelib, avtobuslarda qamalib qolgan 4 nafar ishchini qutqardi. Ular kasalxonaga yetkazildi.

Boshqa tafsilotlar hozircha ma’lum qilinmadi.