Turkmanobod shahrida O‘zbekiston – Turkmaniston davlat chegarasini delimitatsiya qilish bo‘yicha muzokaralar bo‘lib o‘tdi

26-mart – 1-aprel kunlari Turkmanobod shahrida O‘zbekiston va Turkmaniston o‘rtasidagi davlat chegarasini delimitatsiya va demarkatsiya qilish masalalari bo‘yicha qo‘shma hukumatlararo komissiya ishchi guruhlarining navbatdagi uchrashuvi bo‘lib o‘tdi. Bu haqda TIV matbuot xizmati ma’lum qildi.

Uchrashuv davomida O‘zbekiston – Turkmaniston davlat chegarasining alohida uchastkalari birgalikda olib borilgan topografik va geodezik ishlarning natijasi ko‘rib chiqildi va 2018-yilga mo‘ljallangan reja dasturi asosida ularni davom ettirish bo‘yicha kelishuvga erishildi.

Uchrashuv iliq va do‘stona muhitda o‘tdi. Muzokaralar yakuniga ko‘ra bayonnoma imzolandi.