Ohangaronning “Toshkent” choyxonasidagi janjal o‘lim bilan tugadi

Toshkent viloyatining Ohangaron shahrida “Toshkent” choyxonasi ish boshqaruvchisi I. Qodirov qasddan bo‘lmagan qotillikda gumon qilinib, qo‘lga olindi. Bu haqda IIV jamoatchilik va OAV bilan aloqalar boshqarmasi xabar berdi.

U 22-mart kuni soat 17:30 atrofida ish joyida o‘zaro janjal oqibatida 1985-yilda tug‘ilgan H. Abdullayevning yuziga qo‘llari bilan urib, jarohat yetkazadi.

H. Abdullayev kasalxonaga olib ketilayotganda olamdan o‘tdi. I. Qodirov hibsga olindi.