Toshkent viloyati YHXB: 26 mingdan ziyod avtomobil jarima maydoniga qo‘yilishi mumkin

Joriy yilning 16-fevralida Toshkent viloyatining M-39 “Toshkent – Termiz” avtomobil yo‘lidagi Yangiyo‘l va Chinoz tumanlari hududiga o‘rnatilgan fotoradarlar bugungi kunga qadar 35 mingdan ziyod belgilangan tezlikni oshirgan transport vositalarini qayd etdi. Bu haqda Toshkent viloyati YHXB matbuot xizmatiga tayanib, O‘zA xabar berdi.

Qoidabuzar 8 ming 480 nafar haydovchi qonunda belgilangan tartibda jarimalarini o‘z vaqtida to‘ladi.

Viloyat YHXB tomonidan o‘z vaqtida jarimani to‘lamagan haydovchilarga nisbatan maxsus tadbir o‘tkazilishi rejalashtirilmoqda. Tadbirda 60 kun ichida jarimani to‘lamagan qoidabuzar haydovchilar avtomashinasi jarima maydoniga qo‘yilishi nazarda tutilgan.