O‘zbekiston Peterburgda ochilayotgan Boltiq davlatlari va MDH teatrlari festivalida ishtirok etadi

Peterburgning “Baltiyskiy dom” teatri maydonida 5-aprel kuni MDH va Boltiq davlatlarining “Rossiyada uchrashuvlar” 20-xalqaro teatr festivali ochilmoqda, deb yozadi “TASS”.

Rus klassikasi va uning yaqin va uzoq chet ellarda rus tilidagi yetakchi teatrlar tomonidan talqini yubiley uchrashuvining asosiy mavzusi sifatida tanlangan.

“Dastur rus klassik adabiyoti — Pushkin, Chexov, Gogol, Dostoyevskiy, Xarms asarlari asosida tuzib chiqilgan”, — deydi “Baltiyskiy dom” festival-teatri badiiy direktori Marina Belyeva.

Festival haftaligi davomida Gruziya, Isroil, Latviya, Moldaviya, O‘zbekiston va Estoniya teatrlari o‘zlarining yangi spektakllari, jumladan rossiyalik rejissorlar tomonidan qo‘yilgan spektakllarni namoyish etadi.