Eron prezidenti IShID tor-mor etilganligini ma’lum qildi

Eron prezidenti Hasan Ruhoniy Yaqin Sharqda IShID guruhi kabi kuch ortiq yo‘qligini bildirdi. Bu haqda u Rossiya—Eron—Turkiya sammiti yakunlari bo‘yicha chiqishida ma’lum qildi, deb yozadi “RBK”.

“Qoldiqlari bor, biroq bu kuch emas, katta kuch emas”, — dedi u.

Eron mudofaa vaziri Amir Hotamiy sammitda chiqish qila turib, IShIDning mag‘lubiyati AQShning mintaqaviy siyosati tanazzulini anglatishini ma’lum qildi. “Mazkur mag‘lubiyat mavjud bo‘shliqni to‘ldirish uchun mintaqadagi zo‘ravonlik va keskinlikning yangi bosqichini boshlab berishi haqidagi juda qat’iy fikr mavjud”, — deydi u.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.