Shavkat Mirziyoyev Toshkentdagi Muhammad al-Xorazmiy nomidagi maktabda bo‘ldi 

Prezidentning 2017-yil 14-sentabrdagi qaroriga muvofiq Toshkentda Muhammad al-Xorazmiy nomidagi axborot-kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktab barpo etilmoqda. Bu haqda Prezident matbuot xizmati xabar berdi.

Davlat rahbari ushbu maktabning qurilish ishlari bilan tanishdi.

O‘qituvchi va o‘quvchilar uchun zamonaviy sharoitlar yaratish, iste’dodli yoshlarni izlab topish va ularni izchil qo‘llab-quvvatlash bo‘yicha ko‘rsatmalar berdi.