Ilon Mask: Sun’iy intellekt “o‘lmas diktator”ga aylanishi mumkin

Sun’iy intellekt hech kim qochib qutula olmaydigan “o‘lmas diktator”ga aylanishi mumkin. Bu haqda SpaceX va Tesla kompaniyalari direktori Ilon Mask Kris Peynning “Sen bu kompyuterga ishonasanmi?” nomli hujjatli filmida ma’lum qildi, deb xabar beradi Mashable.

Maskning so‘zlariga ko‘ra, tarix Mussolini va Gitler kabi diktatorlarni ko‘rgan, biroq sun’iy intellekt ulardan farqli o‘laroq, o‘lmaydi.

2017-yilda biznesmen sun’iy intellekt uchinchi jahon urushini boshlashi mumkinligini aytgandi. Keyinroq u mazkur texnologiyani insoniyat uchun eng xavfli deya atadi. Maskning ta’kidlashicha, sun’iy intellekt ayrim rahbarlardan ko‘ra, uzoq yashaydi va zulmning doimiy tuzilishini yaratadi.