Nyu-Yorkdagi Trump Tower binosida yong‘in yuz berdi

Nyu-Yorkda joylashgan Trump Tower binosida yong‘in yuz berdi. Bu haqda Reuters agentligi xabar bermoqda, deb yozadi “Gazeta.ru”.

Politsiya ma’lumotiga ko‘ra, yong‘in 50-qavatda sodir bo‘lgan. Uning yuzaga kelish sababi noma’lum, biroq politsiya u xavfning to‘rtinchi darajasi bilan baholanganligini ma’lum qildi.

O‘z navbatida, AQSh prezidenti Donald Tramp osmono‘par binodagi yong‘in o‘chirilganligini xabar qildi.

“Trump Tower’dagi yong‘in o‘chirildi. Kichikroq yong‘in yuz berdi. O‘t o‘chiruvchilar ajoyib ishladi. Rahmat!” — deb yozdi Tramp Twitter’dagi sahifasida.