Andijonda qutqaruvchilar bo‘shalib ketgan buqani tutish “operatsiyasi”ni o‘tkazdi (foto)

Joriy yilning 5-aprel kuni Andijon viloyati Favqulodda vaziyatlar boshqarmasining “1050” tezkor raqamiga katta buqaning yechilib ketganligi hamda uni ushlab berish bo‘yicha murojaat kelib tushdi. Bu haqda Favqulodda vaziyatlar vazirligi matbuot xizmati xabar berdi.

Qutqaruv otryadi zudlik bilan chaqirilgan manzilga yetib kelib, maxsus arqonlar yordamida buqani ushlab egasiga topshirdi.

Ushbu “buqa tutish operatsiyasi”da hech kim jabrlanmadi.