YeChL. “Manchester Siti” bugun “Liverpul”dan alamini olishga urinib ko‘radi, “Barselona” esa Rimga yurish qiladi
Bugun, 10-aprel sanasida Yevropa Chempionlar Ligasining ikki yarim finalchisi aniqlanadi.
Ulardan biri Manchester shahridagi Etihad stadionida ma’lum bo‘ladi. Birinchi uchrashuvda 0:3 hisobida mag‘lubiyat alamini totib ko‘rgan Xosep Gvardiola shogirdlari bugun javob o‘yinida Yurgen Klopp shogirdlariga qarshi kurash olib boradi. Uchrashuv Toshkent vaqti bilan 23:45 da boshlanadi. Uchrashuv UzReport telekanali tomonidan to‘g‘ridan to‘g‘ri efirda uzatiladi.
Musobaqaning yana bir yarim finalchisi Rimda ma’lum bo‘ladi. Rimnin “Roma”si o‘z uyida Kataloniyaning “Barselona”sini qabul qiladi. Birinchi uchrashuv Leo Messi jamoadoshlarining 4:1 hisobidagi yirik g‘alabasi bilan yakunlangan edi. Ushbu o‘yin ham Toshkent vaqti bilan 23:45 da boshlanadi. Futbol-TV o‘yinni jonli efirda namoyish etadi.
Yevropa Chemionlar Ligasi
Chorak final javob uchrashuvlari
10-aprel, seshanba
Manba: Daryo.uz