Buyuk Britaniya qirolichasi Trampni sershovqin vertolyotga qiyosladi (video)

Buyuk Britaniya qirolichasi Yelizaveta II AQShning oxirgi prezidentlarini qattiq tovushli vertolyotlarga o‘xshatdi, deb yozadi Business Insider.

2017-yil iyunida teleboshlovchi ser Devid Attenboro hamrohligida Bukingem saroyidagi bog‘i bo‘ylab sayr qilib yurganida qirolicha vertolyot shovqinini eshitdi va “tovushi xuddi prezident Tramp yoki prezident Obamanikiga o‘xsharkan”, deya hazil qildi. “Ular bilan gaplashib olmoqchi bo‘lganingda, nima uchun nuqul atrofda aylanib uchib yuradi?” — deya hazilomuz noroziligini bildirdi u.

Nashr eslatishicha, Yelizaveta II Barak Obama bilan uning hukmronligi davrida ikki marta uchrashgan, Donald Tramp bilan esa hali to‘qnash kelmagan.