Raqib topilmagani sababli Elnur Abduraimovning prof ringdagi ilk jangi qoldirildi

Uzbek Tigers’ning sobiq a’zosi, o‘zbekistonlik bokschi Elnur Abduraimovning professional boksdagi ilk jangi qoldirildi. Bu haqda “Olamsport” ma’lum qildi.

Avvalroq Jahon va Osiyo chempionatlari g‘olib va sovrindori, qator xalqaro musobaqalar g‘olibi Elnur Abduraimovning professional boksda faoliyatini boshlagani hamda joriy yilning 20-aprel kuni Las-Vegasda o‘zining professional boksdagi birinchi jangini o‘tkazishi ma’lum qilingan edi.

Biroq Elnur 20-aprel sanasida jang o‘tkazmaydigan bo‘ldi. Bunga sabab esa Abduraimov uchun hozircha raqib topilmagan.

Yaqin vaqtlar ichida uning debyuti qachon o‘tkazilishi ma’lum qilinadi.