Netanyaxu oltita mamlakat o‘z elchixonasini Quddusga ko‘chirishga tayyorligini ma’lum qildi

Isroil bosh vaziri Binyamin Netanyaxu oltita davlat o‘z elchixonasini Quddusga ko‘chirishga tayyor ekanligini ma’lum qildi. Bu haqda The Times of Israel xabar berdi, deb yozadi “Gazeta.ru”.

“Oltita mamlakat o‘z elchixonasini Quddusga ko‘chirish haqida biz bilan jiddiy gaplashganligini xabar qilishdan mamnunman. Buni amalga oshirganligi uchun Gvatemalaga rahmat. Endi boshqalar ham ortingizdan ergashadi”, — dedi u.

Avvalroq Falastin prezidenti Mahmud Abbos AQShning Isroildagi elchisi Devid Fridmanni “itning o‘g‘li” deb atagan edi.

AQSh va Falastin o‘rtasidagi mojaroning keskinlashuvi Amerika prezidenti Donald Tramp Quddusni Isroil poytaxti sifatida tan olishini e’lon qilgandan so‘ng yuz berdi.