O‘zbekiston 2018-yilning birinchi choragida Tojikistondan 172 ming tonna sement sotib oldi

Tojikiston oxirgi ikki yilda sement eksporti hajmini qariyb 2,5 barobarga oshirdi. Bu haqda “Xalq so‘zi” xabar bermoqda.

Joriy yilning birinchi choragida qo‘shni davlatlarga 322 ming tonna mahsulot yetkazib berildi. O‘tgan yili bu ko‘rsatkich 113 ming tonna edi.

2018-yilning birinchi choragida O‘zbekiston mazkur davlatdan 172 ming, Afg‘oniston 131 ming, Qirg‘iziston 19 ming tonna sement sotib oldi.

Xarid qilish ko‘rsatkichi O‘zbekistonda 16,3, Qirg‘izistonda 6 barobar oshgan bo‘lsa, Afg‘onistonda, aksincha, 8,8 barobar pasaydi.

Ma’lumot uchun, hozir Tojikistonda to‘rtta yirik sement zavodi ishlab turibdi. O‘tgan yili ular tomonidan 3,1 million tonna qurilish mahsuloti ishlab chiqarildi.