Toshkentda mashinadan chiqindi tashlagan haydovchilar jarimaga tortila boshlandi

Toshkent shahrida mashina oynasidan chiqindi tashlagan Matiz haydovchisi jarimaga tortildi. Bu haqda UzNews xabar bermoqda.

Aytilishicha, Toshkent shahar YHXBga yengil avtomobillari oynalaridan axlat va turli chiqindilar tashlab ketuvchi haydovchilarga nisbatan chora ko‘rish so‘ralgan murojaatlar kelib tushgan. Bunday huquqbuzarlik Ma’muriy javobgarlik to‘g‘risidagi kodeksning 123-moddasida nazarda tutilgan.

Kelib tushgan murojaatlardan so‘ng ushbu modda bo‘yicha birinchilardan bo‘lib yuqorida tilga olingan Matiz haydovchisi javobgarlikka tortildi.