29 yoshli yigit Tennessidagi kafeda yuz bergan otishmada o‘nlab kishilarning hayotini saqlab qoldi

22-aprel kuni AQShning Tennessi shtati Antiok shahridagi Waffle House kafesida Trevis Reynking ismli erkak otishma uyushtirdi, oqibatda to‘rt kishi halok bo‘lib, yana to‘rt kishi yaralandi, deb yozadi Forum Daily.

Ta’kidlanishicha, 29 yoshli Jeyms Shou jinoyatchini qurolsizlantirmaganida, qurbonlar ancha ko‘proq bo‘lardi. U o‘qotarga tashlanib, uni qurolsizlantirgan va miltig‘ini bir chetga otib yuborgan. Shundan so‘ng jinoyatchi qochib ketgan.

Shou qo‘lidan biroz yaralandi, uni hodisadan bir necha soat o‘tgach, kasalxonadan qo‘yib yuborishdi.