Superliga. “Neftchi” yana g‘alaba qozona olmadi, “Buxoro” esa gol urmasdan “Qizilqum”ni mag‘lub etdi

Bugun, 24-aprel sanasida futbol bo‘yicha O‘zbekiston Superligasining 8-tur bahslari boshlandi.

Kun taqvimidan 2 uchrashuv o‘rin olgandi. Ikkala bellashuv ham o‘z nihoyasiga yetdi.

Ularning birinchisi Farg‘onada bo‘lib o‘tdi. Mezbon “Neftchi” Bekobodning “Metallurg” jamoasiga qarshi maydonga tushgan o‘yin tomonlarning nursiz durang natijasi bilan yakunlandi.

Ikkinchi o‘yin esa Buxoroda kechdi. “Buxoro” jamoasi o‘z uyida “Qizilqum”ni qabul qildi. Bellashuv taqdirini mehmonlar tomonidan 28-daqiqada o‘z darvozalariga kiritigan avtogol hal etdi. Avtogol muallifi mehmonlar legioneri Nemanya Yovanovich bo‘ldi. “Buxoro” shu tariqa o‘z hisobiga navbatdagi 3 ochkoni yozib qo‘ydi.

Superliga

8-tur bellashuvlari

24-aprel, seshanba

“Neftchi”: Vitaliy Mirniy, Iskandar Shoyqulov, Shukurali Po‘latov, Otabek Ahmadjonov (Avaz Agaliyev, 46), Murodbek Bobojonov, Abbosbek Maxstaliyev, Abrorbek Ismoilov, Abdujamol Isroilov, Abdurahmon Abdulhaqov, Islombek Karimov (Abdul Aziz Yusupov, 78), Dostonbek Tursunov (Davron Mamatov, 54)

“Metallurg”: Javohir Ilyosov, Abbos Otaxonov, Shahzod Shaymanov, Zabihilo O‘rinboyev, Islombek Isoqjonov, Jasur Hasanov, Sherzod Fayziyev, Akbarjon Ismatullayev, Abror Xusinov, Pavel Smolyachenko, Pavel Purishkin

Gol: 1:0 — 28, avtogol Nemanya Yovanovich.

“Buxoro”: Asilbek Omonov, Arslonmurod Omonov, Salamat Qutiboyev, Shavkat Salomov (Mirfayz Muhiddinov, 85), San’at Shixov, Bahodir Nasimov, Artyom Filiposyan, Shavkat Mullajonov, Javohir Qahramonov (Ergash Ismoilov, 73), Aziz Ibragimov (Robbimjon Hasanov, 46), Sergey Rusetskiy

“Qizilqum”: Yevgeniy Cheremisin, Erkin Boydullayev, Giorgi Kvesiyeshvili, Akmal Rustamov (Alisher Sanoyev, 46), Doniyor Usmonov, Fayzullo Qambarov, Artur Gevorkyan (Samandar Shodmonov, 56), Muhsinjon Ubaydullayev, Sherali Jo‘rayev, Elguja Grigalashvili, Nemanya Yovanovich

Ogohlantirishlar: Muhsin Ubaydullayev 13, Fayzulla Qambarov 37, Javohir Qahramonov 58, Elguja Grigalashvili 84