Namanganda kanalizatsiya qudug‘iga tushib ketgan sigir qutqarildi

Namangan viloyati Favqulodda vaziyatlar boshqarmasi navbatchi-dispetcherlik xizmatining “1050” qisqa raqamiga Namangan shahri Uychi ko‘chasidagi I.Z murojaat qilib, xonadonida sigir hammomning kanalizatsiya qudug‘iga tushib ketganligini bildirgan hamda sigirni chiqarib berishda amaliy yordam so‘ragan, deb xabar beradi FVV matbuot xizmati.

Qutqaruv guruhi voqea joyiga etib borishib, maxsus qutqaruv arqonlari yordamida sigirni  kanalizatsiya qudug‘idan chiqarib berishdi.

Mahalliy veterinar qutqarilgan uy hayvonini nazoratdan o‘tkazib jarohat olmaganligini ta’kidladi.