Isroil aviatsiyasi G‘azo sektoridagi HAMAS nishonlariga zarba berdi

Isroil harbiy aviatsiyasi falastinliklar guruhi chegarani kesib o‘tishga uringanidan so‘ng, HAMASning G‘azo sektoridagi oltita harbiy-dengiz nishonlariga zarba berdi. Bu haqda Isroil armiyasining Twitter’dagi sahifasida ma’lum qilindi, deb xabar beradi “Gazeta.ru”.

“Bizning aviatsiyamiz G‘azo sektoridagi HAMAS harbiy-dengiz kuchlariga tegishli oltita terrorchilik nishonlariga zarba berdi. Hujum Isroil hududiga falastinliklar guruhining o‘tishiga uringaniga javob tarzida amalga oshirildi”, — deyiladi xabarda.

Avvalroq falastinlik jurnalist G‘azodagi namoyishlar chog‘ida olgan jarohatidan vafot etgani haqida xabar berilgandi.