O‘zbek-qirg‘iz chegarasida chegarachilarning o‘zini tutish tartibi yangilandi

Farg‘onada O‘zbekiston va Qirg‘iziston chegara xizmatlari delegatsiyalarining uchrashuvi bo‘lib o‘tdi. Bu haqda DXX chegara qo‘shinlari matbuot xizmati ma’lum qildi, deya xabar beradi “Gazeta.uz”.

Tomonlar joriy yil birinchi choragi davomida o‘zbek-qirg‘iz davlat chegarasini himoya qilish bo‘yicha faoliyat yakunlarini muhokama qildi. Shuningdek, chegaralarni himoya qilishning dolzarb masalalari va o‘zaro maslahatlashuvlar asosida ularni hal etish yo‘llari ko‘rib chiqildi.

O‘zbekiston-Qirg‘iziston chegarasida chegarachilarning o‘zini tutishiga oid yangi tartib tasdiqlanib, ikki davlat chegara xizmatlari hamkorligining asosiy yo‘nalishlari kelishib olindi.