Toshkentda haydovchi qiz o‘z Captiva‘sida oltita avtomobil bilan to‘qnashdi (video)

Toshkentda Captiva boshqaruvni yo‘qotib, yo‘l chetida turgan 6–7 avtomashinaga katta tezlikda kelib urildi. Bu haqda Repost nashri xabar bermoqda.

27-aprel, kech soat 01:24 da Toshkent shahrining Shota Rustaveli va Mirobod ko‘chasi chorrahasida joylashgan aylana oldida YTH sodir bo‘ldi. Bu haqdagi xabarlar ijtimoiy tarmoqlarda keng tarqaldi.

Ushbu voqea aks etgan video taqdim etildi. Videoda katta tezlikda kelayotgan Captiva boshqaruvni yo‘qotib, yo‘l chetida turgan 6–7 avtomashinaga kelib uriladi. Voqea ushbu ko‘chalar chorrahasida joylashgan Prime Time kafesi yonida bo‘lgan.

Baxtli tasodif tufayli, voqea natijasida halok bo‘lganlar yo‘q. Captiva’ni boshqargan qiz kasalxonaga yotqizilgani ma’lum.