Ohangaronda qalbaki 50 ming so‘mlikni o‘tkazishga uringan shaxs qo‘lga olindi

Toshkent viloyatining Ohangaron shahrida noma’lum shaxs 50500 so‘mlik savdo qilib, to‘lov uchun 50 ming so‘mlik beradi. Bu haqda IIV jamoatchilik va OAV bilan aloqalar boshqarmasi ma’lum qildi.

Sotuvchida ushbu kupyura shubha uyg‘otdi va u huquqni muhofaza qiluvchi idoralarga murojaat qildi.

Ko‘rilgan choralar natijasida kupyuralarni Taraqqiyot ko‘chasida yashovchi Z.I zamonaviy texnika qurilmalaridan foydalanib, tayyorlanganligi aniqlandi. U qo‘lga olindi.