Nukusda aka o‘z ukasini urib, o‘ldirib qo‘ydi

Qoraqalpog‘iston poytaxtida salomatligi yomonlashib, to‘satdan vafot etgan shaxsning o‘limiga akasi sababchi bo‘lgani aniqlandi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Xabar berishlaricha, Nukusda shahrida 21-aprel kuni M.S. uyida sog‘lig‘i yomonlashib, to‘satdan vafot etgan.

“O‘tkazilgan dastlabki surishtiruv davrida u o‘zaro janjal tufayli akasi qo‘li bilan boshiga urganligi natijasida bosh miya yopiq jarohatidan vafot etgani aniqlandi”, — deyiladi vazirlik axborotida.

Qayd etishlaricha, ko‘rilgan choralar natijasida marhumning akasi — B.S. ushlangan.