Yong‘in xavfsizligi bo‘linmasi xodimi 4 kishining hayotini qutqarib qoldi

3-may, payshanba kuni Navoiy viloyati Karmana tumani Ichki ishlar bo‘limi “Tungi guruh” tadbirini o‘tkazdi. Bu haqda “Daryo”ga Navoiy IIB Yong‘in xavfsizligi boshqarmasi xabar berdi.

“Tungi guruh” tadbiri davomida leytenant Hayotjon Payziyev “Bahor” ko‘chasi 25-uyda yong‘in boshlanyotganini aniqlagan. O‘t o‘chiruvchi guruh yetib kelgunga qadar Payziyev 4 kishini yong‘indan olib chiqqan. Uyning 33 metr kvadrat qismi va jihozlari yonib ketgan.