Rimda ichida yo‘lovchilar bo‘lgan avtobus yonib ketdi

Italiya poytaxti Rim shahri markazida 8-may kuni avtobus yonib ketdi. Bu haqda “Korrespondent.net” xabar berdi.

Guvohlarning xabar berishicha, dastlab portlash ovozi eshitilgan, keyin esa olov va qora tutun ko‘ringan. Uni uzoq masofadan ham ko‘rish mumkin bo‘lgan.

Hodisa oqibatida hech kim jabrlanmagan, haydovchi yo‘lovchilarni avtobusdan tushirishga ulgurgan. Biroq portlash ovozi shahar aholisi orasida vahimani keltirib chiqargan.

Yong‘inni uchta o‘t o‘chirish guruhi o‘chirgan. Ular olovni o‘chirishga muvaffaq bo‘lgan bo‘lsa ham, olov atrofdagi do‘konlardan biriga o‘tgan.