Yaponiyalik temiryo‘lchilar poyezd 25 soniya erta jo‘nab ketganligi uchun kechirim so‘radi

Yaponiyaning mamlakatdagi temiryo‘llarni rivojlantirish bilan shug‘ullanuvchi JR West kompaniyasi 11-may kuni poyezdlardan biri stansiyadan 25 soniya erta jo‘nab ketganligi sabab rasman kechirim so‘radi. Bu haqda Sora News 24 nashriga tayanib, Afisha Daily xabar berdi.

Jadvalga ko‘ra, poyezd Notogava stansiyasidan Siga prefekturasiga 11-may kuni soat 07:12 da jo‘nab ketishi kerak bo‘lgan. Mashinistning xatosi tufayli poyezd soat 07:11 daqiqadan 55 soniya o‘tganiga yo‘lga chiqqan. Mashinist tomonidan yo‘l qo‘yilgan xatolik oqibatida hech kim jarohat olmagan, shunga qaramay temiryo‘llar rahbariyati yo‘lovchilardan kechirib so‘radi.