“Mening fikrim” portalida O‘zbekistonda avtomobil oynalarini qoraytirishga ruxsat berish taklif etildi

“Mening fikrim” portaliga avtomobilning orqa oynalarini 70 foiz qoraytirishga ruxsat berish taklif etilgan murojaat kelib tushdi.

Muallif buni O‘zbekiston iqlimi issiq ekanligi, pardalar ham man etilgani sababli orqa o‘rindagi bolalar jazirama va oftob urishidan aziyat chekishi mumkinligi bilan izohlagan.

Shuningdek, xorijiy davlatlar tajribasidan kelib chiqib, davlat budjetiga tushumlarni ko‘paytirish uchun avtomobilning oldi oynasini pulli asosda qoraytirishga ruxsat berish va bunday mashinalarni ichki ishlar organlarida ro‘yxatga qo‘yish taklif etilgan.