O‘zbekiston oktabr oyida Toshkentda Qatar terma jamoasiga qarshi o‘rtoqlik o‘yini o‘tkazadi

Avval xabar berilganidek, joriy yilning 19-may kuni futbol bo‘yicha O‘zbekiston milliy terma jamoasi Eronga qarshi Tehrondagi “Ozodiy” stadionida o‘rtoqlik uchrashuvi o‘tkazadi.

O‘zbekiston futbol assotsiatsiyasining Qatar futbol federatsiyasi bilan imzolagan memorandumga ko‘ra, FIFA kunlari doiarasida 2018-yilning 16-oktabr kuni Toshkentda Qatar terma jamoasi bilan o‘rtoqlik uchrashuvi o‘tkazishga kelishildi, deb xabar beradi tashkilot matbuot xizmati.

O‘zbekiston milliy terma jamoasi uchun kuchli raqiblar bilan o‘rtoqlik o‘yinlari tashkil qilish yuzasidan amalga oshirilayotgan chora-tadbirlar davom etadi, deyiladi O‘FA xabarida.