Yekaterinburgdan Samarqandga yo‘l olgan samolyot favqulodda qo‘nishga majbur bo‘ldi

“Ural avialiniyalari”ning Yekaterinburgdan Samarqandga yo‘l olgan samolyoti “Qolsovo” aeroportiga favqulodda qo‘nishga majbur bo‘ldi. Bu haqda Sputnik xabar bermoqda.

Xabarda aytilishiga ko‘ra, 16-may kuni, mahalliy vaqt bilan soat 01:04 da Yekaterinburgdan Samarqandga yo‘l olgan Airbus A320 samolyoti “Kolsovo” aeroportiga favqulodda qo‘nishga majbur bo‘lgan. Samolyot bortida 47 kishi bo‘lgan, jumladan 6 nafar ekipaj a’zosi ham.

Qo‘nish vaqti yo‘lovchilar va samolyot zarar ko‘rmagan. Qo‘nish sababi – texnik nosozlik bo‘lishi mumkin.

Ayni damda Rossiya Tergov qo‘mitasining Ural bo‘linmasi ushbu holat yuzasidan tekshiruv o‘tkazmoqda.