Tasdiqlangan Harakat strategiyasi, Shavkat Mirziyoyevning tibbiyot xodimlari bilan ikkinchi uchrashuvi, “Manas”dagi yong‘in va kunning boshqa muhim xabarlari

7-fevralning e’tiborga molik yangiliklari — “Daryo”ning kechki dayjestida.

1. O‘zbekiston Prezidenti 2017—2021-yillarga mo‘ljallangan Harakat strategiyasi haqidagi farmonni imzoladi. Strategiya loyihasida propiskasi yo‘qlarga Toshkentdan uy olishga ruxsat berish, xorijga chiqish stikerini bekor qilish kabi tashabbuslar ko‘zda tutilgan edi.

2. Shavkat Mirziyoyev sog‘liqni saqlash sohasi yetakchi mutaxassislari bilan uchrashdi. Bu 2017-yil hisobidan ikkinchi uchrashuv. Birinchisi 5-yanvarda bo‘lib o‘tgan edi.

3. YeTTB O‘zbekistonga investitsiya kiritishni qaytadan boshlaydi. YeTTB 1991-yilda bozor iqtisodiyoti va demokratiyani qo‘llab-quvvatlash maqsadida tashkil etilgan.

4. Toshkentning “Manas” restoranidagi kuchli yong‘in qo‘shni turar-joy binosiga ham zarar yetkazdi. Samarqandning Siyob bozorida esa ikki avtomobil yonib ketdi.

5. Toshkentda “Humo” ko‘p tarmoqli muz saroyi qurilishi boshlandi. Obyekt 2018-yilning 31-dekabr kuniga qadar ishga tushirilishi mo‘ljallangan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.