Qurilish loyihalarini ekspertizadan o‘tkazish faoliyatini litsenziyalash bekor qilindi

“Kapital qurilishda loyiha va qurilish ishlarini amalga oshirish tartibini optimallashtirish bo‘yicha qo‘shimcha chora-tadbirlar to‘g‘risida”gi Prezident qarori qabul qilindi. Bu haqda Adliya vazirligining Telegram’dagi “Huquqiy axborot” kanali orqali ma’lum qilindi.

Qarorga muvofiq:

- qurilish loyihalarini ekspertizadan o‘tkazish faoliyatini litsenziyalash bekor qilindi;

- arxitektura va shaharsozlik hujjatlarini ishlab chiqish faoliyatini litsenziyalash Loyiha boshqaruvi milliy agentligi tomonidan amalga oshiriladi;

- Loyiha boshqaruvi milliy agentligi O‘zbekiston davlat rivojlanish dasturlariga kiritilgan loyihalarni foydalanishga “tayyor holda topshirish” sharti asosida realizatsiya qilishda pudratchilarga qurilish sohasidagi tegishli litsenziyalar va (yoki) ruxsatnomalarni olmasdanloyihalarni amalga oshirish bo‘yicha to‘liq javobgarlikni pudratchilarga yuklash sharti bilan bir martalik ruxsat berishi mumkin.