Ukrainada yo‘lovchi avtobusda portlash yuz berdi

Ukrainaning Debaltsevo shahrida yo‘lovchi avtobusida portlash yuz berdi, deb yozmoqda “RIA Novosti”.

Portlash oqibatida bir kishi halok bo‘lgan, ikki kishi jarohat olgan.

Hodisa 22-may kuni mahalliy vaqt bilan 15:50 da yuz bergan. Dastlabki ma’lumotlarga ko‘ra, portlovchi vosita avtobusning ichida bo‘lgan. Jarohatlanganlarning ikkalasi ham bolalar bo‘lgan. Ular kasalxonaga yetkazilgan. Avtobus salonida 15 nafar yo‘lovchi bo‘lgani xabar qilinmoqda. Uning ichidan noma’lum narsa solingan sumka topilgan.