Qozog‘istonning eng boy biznesmenlaridan biri pora berganlikda gumonlanib, hibsga olindi

Qozog‘istonlik biznesmen, “Eksimbank Qozog‘iston” AJ sobiq rahbari Yerkin Amirxanov Ostonada qo‘lga olindi, deb yozadi “Nur.kz”. U pora berganlikda gumonlanmoqda.

Nashr ta’kidlashicha, Yerkin Amirxanov bir necha yillar davomida Qozog‘istonning eng badavlat odamlari ro‘yxatida bo‘lgan.

Qozog‘iston Milliy xavfsizlik qo‘mitasi ma’lumotlariga ko‘ra, Amirxanovga nisbatan dastlabki tergov shu yilning 3-may kuni boshlangan.

Biznesmen 5-may kuni qo‘lga olingan, 6-may kuni esa sud uning ikki oyga hibsga olinishiga ruxsat bergan.