Rasman: “Karlo ota” A Seriyaga qaytdi. Sarrini iste’foga chiqargan “Napoli” Anchelottini jamoaga bosh murabbiy etib tayinladi

Biroz vaqt muqaddam “Napoli” prezidenti Aurelio De Laurentis jamoa bosh murabbiyi Mauritsio Sarri iste’fosini e’lon qildi.

“Mauritsio Sarriga “Napoli”dagi mehnati va sadoqati uchun minnatdorchilik bildiraman. U yaratgan o‘yin uslubi barchani hayron qoldirdi. Qoyil, Mauritsio!”, – deb yozadi De Laurentis Twitter’dagi sahifasida.

Sarrini iste’foga chiqargan neapolliklar darhol jamoaning yangi bosh murabbiyini ommaga tanishtirib ulgurdi. Italiyalik mashhur futbol mutaxassisi Karlo Anchelotti “Napoli” bilan 3 yilga mo‘ljallangan shartnoma imzoladi.