Balotelli gol urgan o‘yinda Saudiya Arabistoni Italiyaga yutqazdi, Eron esa Turkiyaga mag‘lub bo‘ldi, Janubiy Koreyada g‘alaba
Kecha, 28-may sanasida bir nechta o‘rtoqlik uchrashuvlari bo‘lib o‘tdi.
Jumladan, Jahon Chempionatida Osiyo qit’asini sharafini himoya qiluvchi Janubiy Koreya Honduras termasiga qarshi o‘rtoqlik uchrashuvida 2:0 hisobidagi g‘alabani tantana qildi.
Karlush Keyrush boshchiligidagi Eron milliy terma jamoasi esa Turkiyaga qarshi maydonga tushib, 1:2 hisobida imkoniyatni boy berdi. Jenk Tosunning ikki goliga eronliklar faqatgina bir marta — 90-daqiqada Ashkan Dejaganing penaltidan kiritgan goli bilan javob qaytardi, xolos.
Osiyo qit’asi nomidan mundialda ishtirok etadigan yana bir terma jamoa — Saudiya Arabistoni esa yaqindagina yangi bosh murabbiy — Roberto Manchini qo‘li ostiga o‘tgan Italiya terma jamoasiga qarshi kurash olib borib, 1:2 hisobida mag‘lub bo‘ldi. E’tiborlisi, gollardan biri uzoq yillik tanaffusdan so‘ng termaga qaytgan Mario Balotelli tomonidan urildi.
Ma’lumot uchun FIFA kunlari doirasida 7-iyun kuni futbol bo‘yicha O‘zbekiston milliy terma jamoasi safarda Urugvay terma jamoasiga qarshi o‘rtoqlik uchrashuvida maydonga tushadi.
O‘rtoqlik uchrashuvlari
28-may, dushanba
Gollar: 1:0 – 60 Son Xyon Min, 2:0 – 72 Mun Son Min.
Gollar: 1:0 – 6 Tosun, 2:0 – 50 Tosun, 2:1 – 90, penalti Dejaga.
Gollar: 1:0 – 22 Andre Silva, 2:0 – 34 Joau Mariu, 2:1 – 39 Badri, 2:2 – 64 Ben-Yussef.
Gollar: 1:0 – 21 Balotelli, 2:0 – 68 Belotti, 2:1 – 72 Al Shahriy.
29-may, seshanba
Gollar: 1:0 – 40 Jiru, 2:0 – 43 Fekir.
Gollar: 1:0 – 37 Simmerman, 2:0 – 52 Sarjent, 3:0 – 59 Vea.
Manba: Daryo.uz
Добавить комментарий!
- отсутствуют